Warriors gipasidunggan sa Sports Illustrated
CEBU, Philippines — Ang Golden State Warriors nahimo nga ikaupat nga team sa kasaysayan nga pasidunggan sa Sports Illustrated sa tinuig niining "Sportsperson of the Year" award.
Ang Warriors nga milangkat sa ikatulo nilang korona sa NBA sa miaging upat ka season karon tuiga, ibayaw sa bantawan sa kadungganan gumikan sa ilang mga nakab-ot sa miaging lima ka tuig.
Gawas sa tulo nila ka kampiyonato, ang Warriors mikulit sab og mga rekord sa labing daghan nga daog sud sa usa ka regular season nga miabot og 73 niadtong 2015-2016 ug ingon man sa labing taas nga sagunson nga daog nga milanat og 24-0.
"There are multiple individuals whom Sports Illustrated could have selected as the 2018 Sportsperson of the Year and few would have argued," matud pa ni Sports Illustrated editor in chief Chris Stone. "But it was impossible to overlook the influence that the Warriors, as a collective group, have had on their sport and the broader culture over the last half-decade."
Gawas sa Warriors, ang lain pang mga teams nga nakadaog sa maong eksklusibong pasidungog sa SI mao ang 1980 Winter Olympics US hockey team, ang 1999 US Women's World Cup soccer team ug ang 2004 Boston Red Sox.
- Latest
