Green mobalik na'g duwa sa Warriors

CEBU, Philippines — Human makapalta og 11 ka duwa, si Golden State Warriors forward Draymond Green mobalik na sa aksiyon karong adlawa diin ilang sangkaon ang Minnesota Timberwolves.

Gumikan niining kalamboan, kompleto na sab ang 'Magic Four' sa Warriors uban nilang Stephen Curry, Kevin Durant ug Klay Thompson sa labing unang higayon sud sa kapin usa ka buwan.

Si Warriors coach Steve Kerr mipadayag ngadto sa ESPN nga manghinaut siya nga si Green makapalig-on og samot sa ilang depensa.

"He's the best defensive player in the league," matud pa ni Kerr.  

Sa iyang bahin, si Green malaumon nga ang iyang presensiya makasustinir sa ilang ratsada.