Guiao naglisud pagpili og Final 12

CEBU, Philippines — Paningkamuton ni  coach Yeng Guiao nga mahatagan na ang pangan sa mga players nga lakip sa Final 12 sa Gilas Pilipinas nga moduwa sa 2019 FIBA World Cup qualifiers karong Nobiyembre 30 batok Kazakhstan.

Ang multi-titled PBA coach mitug-an nga naglisud siya pagpili sa mga players tungod kay ang tanan pulos mipakita nga angayan sila morepresentar sa nasud.

Ang Gilas mihimo og team practice niadtong Domingo didto sa Meralco gym diin 17 ka players ang mitunga. Nakita ni Guiao nga pulos kini naningkamot nga malakip sa national team.

Segurado na sa line-up sila si JuneMar Fajardo ug Jayson Castro ug tungod niini 10 na lang ka players ang mag-ilog sa luna.

Kini naglakip nila ni Arwind Santos, Marcio Lassiter, Christian Standhardinger, Alex Cabagnot, Greg Slaughter, Scottie Thompson, Japeth Aguilar, LA Tenorio, Paul Lee, Ian Sangalang, Troy Rosario, Gabe Norwood, JP Erram, Matthew Wright, Beau Belga, Stanley Pringle, Kai Sotto ug Ricci Rivero. (BANAT NEWS)