Unit V, USC swimmers mihakot mga medalya sa Cebu City Olympics
CEBU, Philippines — Ang swimmers sa Unit V ug University of San Carlos-Basic Education (USC-BED) maoy naglawig sa swimming event sa 28th Cebu City Olympics didto sa Cebu City Sports Center kagahapon.
Ang Unit V swimmers nag-una sa elementary division human sila misawom og 16 ka gold, 10 ka silver ug pito ka bronze medals, gisundan sa Unit VIII nga adunay 7-3-7 gold-silver-bronze, samtang ikatulo ang University of Cebu sa ilang 5-3-2 medal tally.
Naka-gold sa Unit V mao sila si Quintin Sabalande (400m freestyle/50m backstroke), Mika Ella Carredo (400m freestyle), Chelsy Espinosa (50m backstroke), James Aaron Pardiñas (50m freestyle) ug Kirk Alezandre Galo (100m backstroke).
Sa secondary level, ang USC-BED adunay walo ka golds uban ang upat ka silver ug duha ka bronze medals. Ikaduha ang UC sa ilang 4-8-6, samtang ang Unit VI mitungtong sa ikatulo sa ilang 3-1-5 medal tally.
- Latest