4Nichols farm midaog sa Chichay's Chicharon

CEBU, Philippines – Miagi pa og overtime ang defending champion  4Nichols Farm una nila maangkon ang kutas nga kadaogan batok sa Chichay's Chicharon,  83-77  sa Consolacion Liloan Basketball Tournament Season 1 niadtong Huwebes didto sa GT Academy gym sa Tayud, Liloan.

Dumadaog na unta ang Chichay's Chicharon   labaw sila atol sa overtime, apan ang 4Nichols nakasagunson og duha ka 3-point shots hinungdan sa ilang pagkahagba.

Si Niño Icot nga maoy naghatod sa duwa ngadto sa overtime, maoy  topscorer sa 4Nichols nga mipupo og 26 puntos, gisundan ni Jumanjie Evarde nga miani'g 25 puntos, samtang si Marwin Adaptar mitanom og 17 puntos.

Gipangulohan sab ni Jay-R Yerro ang Chichay's Chicharon pinaagi sa iyang 18 puntos.

Sa lain pang mga duwa, ang Kalubian nakaipsot sa J&J Surplus, 85-83 ubos sa pagpangulo ni  Jumar Tiwan nga mikamada og 28 puntos. 

Si Alin Icot mao sab ang nangu sa J&J Surplus sa iyang 32 puntos.

Midaog sab ang Sniper dihang ilang gitiklo ang Pilapilan, 71-64.

Sila si Rolan Molo ug Ricoy Judilla miposa'g 11 puntos matag usa aron pangulohan ang Sniper.

PUNTOS MATAG USA

Unang duwa:

SNIPER (71) – R. Molo 11, R. Judilla 11, Guba 9,  Tunacao 8, Molo 6, Menchavez 6, Icot 4, Bajamonde 2, Servande 2, Matthan 2, Judaya 2.

PILAPILAN (64) – Olivar 15, Mendoza 10, Boyaks 8, Boss King 8, Pilapil 5, Loyskie 5, Nalod 4, Zaza 4, Maglasang 3, Kboi 2.

Ikaduhang duwa:

KALUBIAN (85) – J. Tiwan 28, Tiwan 15, Bugtai 13, Luchavez 10,  H. Agbon 7, Agbon 6, Oroyan 4.

J&J Surplus (83) – A. Icot 32, Barriga 21, Gocela 11, Cortes 9, Godinez 6, Cabahug 4, Tilitili 2, Gonzales 2.

Ikatulong duwa:

4NICHOLS (83) – N. Icot 26, Evarde 25, Adaptar 17, Apas 6, Monte 4, Ponce 2, Japos 2.

CHICHAY (77) – Yerro 18, Armian 14, Cortes 11, Baring 8, Caparoso 6, Arocha 5, Sayta 4, Villaronza 4,  Pepito 3, Rojo 1, Noynay 1.