Aces motagak sa bolts
CEBU, Philippines – Pug-on sa Alaska Aces ang tanan nilang kusog aron ila na nga matagak sa hingpit ang Meralco Bolts ug makuha ang luna sa finals sa PBA Governors Cup karong gabii didto sa Cuneta Astrodome.
Human mapilde sa Game 1, ang Aces mihirit og duha ka sagunson nga daog aron makuha ang 2-1 nga bentaha sa ilang best-of-five semifinal series.
Ning adlawa, si Aces coach Alex Compton mitahas sa iyang mga batos nga dili na hatagan og kahigayonan ang Bolts nga mapuwersa ang duwa sa Game 5 tungod kay delikado sila maoy mapapha.
Sayod si Compton nga dili sayon ang tahas nila karon kay ang Bolts naglungot-lungot ug gusto mobawos kanila.
Magsalig gihapon si Compton ngadto sa import niyang si Mike Harris.
Gawas ni Harris, nahimong dakong parte sa kalampusan sa duha ka duwa sa Aces mao sila si Simon Enciso, Vic Manuel ug Chris Banchero.
- Latest