Fajardo seguro na sa Gilas final12
CEBU, Philippines – Wala pa gibutyag ni coach Yeng Guiao ang Final 12 sa Gilas Pilipinas nga moduwa batok sa Kazakhstan karong Nobiyembre 30 ug Iran sa Disyembre 3, didto sa MOA Arena, apan iyang gipasalig nga dili mawala sila si JuneMar Fajardo ug kanhi 'Best Point Guard in Asia' nga si Jayson Castro.
Sila si Fajardo ug Castro maoy gisaligan ni Guiao sa 'rematch' nila sa Iran. Sa una nilang engkuwentro batok sa Iran, wala makaduwa si Fajardo tungod sa injury, samtang si Castro miserbisyo sa iyang suspensiyon gikan sa FIBA malambigit sa Gilas-Australia brawl niadtong Hulyo.
Dako sab og tsansa nga malakip sa Final 12 sila si Greg Slaughter, Christian Standhardinger ug Japeth Aguilar. Kuyaw dili makaduwa sa Gilas si JP Erram ug Beau Belga.
- Latest