Butler gi-trade, napunta sa Philadelphia
CEBU, Philippines — Atua na si Jimmy Butler sa Philadelphia ug sa iyang pag-abot gisugdan dayon ang mga sugilanon sa posibleng pagdaog sa Sixers og kampiyonato.
Ang four-time All-Star forward nga si Butler usa na karon ka sakop sa Sixers human giaprobahan sa NBA ang mga nalatid sa 'trade' nga nauyonan sa Philadelphia ug sa Minnesota Timberwolves niadtong weekend nga gikalipay og maayo ni 76ers coach Brett Brown.
"He replicates, he mirrors, the spirit of Philadelphia," matud pa ni Brown. "He is a fierce competitor. And there is a toughness that he plays with. That's who he is. And he wears it on his face, it's seen in his game, it's confirmed by multiple all-defensive teams and it's a perfect fit for the city and our program defensively."
Ang maong lakang sa Philadelphia naghatag kanila og lehitimong "Big Three" gumikan kay si Butler maghiusa man og puwersa nilang All-Star forward Joel Embiid ug 'Rookie of the Year' Ben Simmons.
Mismo si Butler ang mipadayag nga iyang buhaton ang tanan aron tabangan ang Sixers nga makasakmit sa gihandum niining korona.
Si Butler pormal nga ipailaila sa Sixers karong adlawa ug gikatakda nga moduwa sa labing unang higayon uban kanila karong Huwebes batok sa Orlando Magic.
- Latest