Taytayan paingon sa olympic
Lemuel P. Maglinte (Banat) - October 27, 2018 - 12:00am

CEBU, Philippines – Bata pa ang managsuong Tabar, apan  gitanom  na  nila sa ilang alimpatakan ang  ilang   damgo nga sa ugma damlag mamahimong usa ka sikat  nga  runner.

Bisan pa sa   kalinghod sa ilang pangedaron, sila si Nexxus Ezequiel Tabar ug ang manghod niya nga si Allyssa  mihimo og kasikas atol sa Cebu leg  sa  42nd National Milo Marathon sayo sa buntag niadtong Oktubre 14 diha sa Cebu City Sports Center.

Ang duha pulos mga tinun-an sa Basak Community School sa Dakbayan sa Sugbo.

Sa edad nga 11-anyos, si Ezequiel kanunay na nga misalmot og mga lumba, apan sa miaging 42nd Milo Marathon pa lang niya nakuha ang titulo sa 3K boys category.

Si Ezequiel nga  unang milabang sa finish line sa tinuig nga Milo Marathon nga gipaluyohan sa Nestle Phils. sa oras nga 11 minutos ug 43 segundos, nagkanayon nga daghan siyang giapilan nga sports, apan sa running niya nagakus ang kalipay ug interes sa pag-ensayo.

"Ganahan ko sa running. Nindot ang modaog pero mas gusto nako ang lingaw sa training uban akong mga kauban," matud pa ni Ezequiel, usa sa labing bata nga miyembro sa Spectrum Runners Club (SRC).

Sukwahi sa iyang maguwang, ang nuybe anyos nga si Alyssa  taas kaayo og pangandoy kay buot  niya  nga mosunod sa lakang ni Milo Marathon queen Mary Joy Tabal, ang labing unang babayeng Olympic marathoner sa nasud.

"Mao na ako dream ang mahimo nga Olympian," matud pa ni Alyssa nga mitapos sa ikasiyam nga dapit sa girls 3K category sa oras nga 13:38. 

Si Xina, ang  nagpahimugso  nilang  Ezequiel ug Alyssa miingon nga dako niyang kalipay nga nahilig iyang duha ka anak sa running tungod kay gawas sa  pagdaog sa mga lumba, kampanti usab siya nga malayo sa dautang bisyu iyang mga anak samtang nagkadako.

Gawas sa ilang mga coaches ug teammates, nakadasig ug nahimo sab nga taytayan nila ni Ezequiel ug Alyssa sa pag-apil sa dagan mao ang ilang  ginikanan nga  mahigugmaon sab sa sports.

Si  Xina,  kanhi varsity sa softball, samtang ang amahan nga si Ulises hilig  sa basketbol ug boksing.

"Dako kaayo og natabang tungod kay gawas nga modaog sila sa mga lumba nga ilang apilan, makatabang usab ni nila aron nga mahimong healthy," matud pa ni Xina.

"Hopeful ko nga pinaagi sa running mamahimo silang varsity  ini'g  kolehiyo nga makatabang sa ilang  sa pagtungha. Karon priority nako ilang studies, pero nindot pud kun mahimo silang atleta sa national team in the future," panapos ni Xina. 

OLYMPIC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with