Beermen kinahanglan modaog sa katropa

CEBU, Philippines – Nabutang sa delikadong sitwasyon,  ang  powerhouse  nga  San  Miguel  Beermen  kinahanglan karon nga modaog aron  makasulod  sa playoffs sa 2018 PBA Governors Cup.

Ang San Miguel makigtagay sa TNT KaTropa sa "out-of-town" game sa alas-5 sa hapon didto sa Pangasinan.

Naglisud karon ang Beermen tungod kay wala moduwa ang Sugboanong sentro nga  JuneMar Fajardo hinungdan nga aduna  sila karo'y 3-4 nga  baraha.

Kinahanglan nga ipagawas sa Beermen ang tanan nilang hinagiban ilabi na nga atubangon nila ang KaTropa nga lab-as  pa  gikan   sa  ilang  tulo ka sunod-sunod  nga  daog.

Human makaikyas sa suspensiyon human sa nahitabong karambola nila ni Phoenix guard Calvin Abueva, si  Beermen import Kevin Murphy misaad nga buhaton niya ang  tanan aron  tabangan   iyang team nga modaog.