CCSI temporaryong binyu alang sa skateboarders
CEBU, Philippines – Sa laraw nga mahatagan og luna ang mga skateboarders nga makaensayo sa ilang sport, si Cebu City Mayor Tomas Osmeña mibukas karon sa Cebu City Sports Institute nga temporaryong binyu alang sa skateboarders samtang tukuron pa ang skatepark nga iyang gisaad.
Si Osmeña misaad nga buhatan og skatepark ang siyudad nunot usab sa hangyo sa skateboarders ug ingon man sa kalampusan sa Sugboanang si Margielyn Didal nga misakmit og gold medal sa skateboarding sa miaging Asian Games didto sa Indonesia.
Ang opisina sa City Mayor miingon nga buhatan nila og temporaryo nga mga obstacle course ang CCSI alang sa mga skaters, apan ibalhin kini sa luyo sa Fort San Pedro.
Unang nang gipahibalo nga ang skatepark adto tukuron sa South Road Properties (SRP), apan nausab ang plano niini kay ang mas Fort San Pedro accessible sa kadaghanan.
Giklaro hinuon sa buhatan sa mayor nga ang skatepark lang ang ibalhin sa Fort San Pedro, samtang ang sports hub magpabilin sa SRP.
Ang skatepark sa CCSI bukas lang sugod sa alas-9 sa buntag hangtod sa alas-10 sa gabii. Gipahimangnoan ni Osmeña ang mga skaters ampingan nila ang binyu ug dili sab maghugaw-hugaw.
- Latest