Sharks nakasagunson
CEBU, Philippines – Ang Cebu City Sharks mipakaging sa Valenzuela CDO Idol Cheesedog Classic, 78-75 sa Maharlika Pilipinas Basketball League (MPBL) Datu Cup niadtong Martes didto sa Ynares Center sa Antipolo City.
Si Rhaffy Octobre maoy misilyo sa resulta pinaagi sa paglansang og upat ka sagunson nga free throws sa katapusang 12 segundos sa duwa, samtang si William McAloney Jr. maoy nangu sa opensiba uban ang 21 puntos ug 14 ka rebounds alang sa Sharks nga sa labing unang higayon naka-sagunson og duha ka daog alang sa ilang 3-8 nga baraha.
Si Patrick Cabahug mihipos og 13 puntos, apil na ang krusyal niyang lay-up nga nakabuak sa 72-72 nga panagtabla.
Misalida sab dayon si Oktobre pinaagi sa pagpasud sa upat niya ka free throws nga maoy nakasalbar sa Sharks.
Sa laing duwa, ang Bacoor Strikers ubos sa bag-o nilang coach nga si Leo Isaac mibuntog sa Rizal Crusaders, 74-63.
- Latest
