Ancajas patabang ni Pacquiao

CEBU, Philippines – Magpatabang ang kampo ni IBF junior bantamweight champion Jerwin Ancajas ngadto ni Manny Pacquiao aron   madayon ang   'unification bout' niya batok ni WBC champion ug Thai superstar Srisaket Sor Rungvisai.

Si Ancajas gusto nga ikaharong si Rungvisai sa usa ka unification match, timaan niini ang iyang paglarga sa Thailand diin misaksi siya sa malampusong title defense sa Thai fighter batok sa Mehikanong si Iran Diaz.

Si Ancajas nga ubos sa MP Promotions ni Pacquiao, miingon nga damgo niya ang usa ka dakong sangka ug kini ang unification batok ni Rungvisai nga misikat human gikulata ang kanhi pound-for-pound king nga si Roman Gonzales sa miaging tuig.