San Miguel mobawos sa Ginebra karong gabii
CEBU, Philippines — Panimalos numero unong tuyo sa San Miguel Beermen dihang sangkaon nila ang ilang igsuong koponan Barangay Ginebra sa PBA Governors Cup karong gabii didto sa Smart Araneta Coliseum.
Sa dili pa ang ilang duwa sa alas-6:45 sa gabii, magsangka una ang Magnolia Hotshots ug Phoenix Fuel Masters sa alas-4:30 sa hapon.
Kahinumduman, nga ang Beermen gipalagpot sa ilang trono sa Gin Kings atol sa Commissioner's Cup finals.
Nagtuo si San Miguel coach Leo Austria nga gutom iyang mga batos nga modaog batok sa crowd-darling nga Ginebra.
Ang Beermen lab-as pa sa ilang dominanteng kadaogan batok Columbian Dyip, 143-119 diin gipakita ni Marcio Lassiter nga nabalik na ang iyang pagkatirador dihang mipasulod siya og 10 sa 17 niya ka tres.
Sa ilang bahin, ang Ginebra ni coach Tim Cone tinguha nga makabangon human sa ilang kapildihan sa mga kamot sa Blackwater Elite niadtong Biyernes.
- Latest
