Cebu City 2nd overall sa 2018 Batang Pinoy
CEBU, Philippines — Pakyas ang Team Cebu City sa ilang laraw nga "back-to-back" championship dihang nalabay sila sa ikaduhang dapit sa overall standing sa PSC Batang Pinoy National Championship.
Human gidominaran ang Philippine National Games niadtong Mayo, ang TCC wala kasustinir sa ilang kusog ug napuhalan sila sa host team Baguio City. Ang Cebu City mihakot og 36 ka gold, 40 silver ug 44 ka bronze medals, samtang ang Baguio adunay 83-81-107 gold-silver-bronze medal tally.
Niadtong Biyernes lang natapos ang kompetisyon, apan kagahapon pa ang opisyal nga deklarasyon sa mga mananaog tungod kay nalangan ang pag-ihap sa tanang resulta.
Ang Laguna maoy ikatulo sa ilang 34 ka gold, 13 ka silvers ug 31 ka bronze medals, samtang ang Quezon City maoy fourth placer sa ilang 29-16-18 gold-silver-bronze. Mikompleto sa top five mao ang Pangasinan nga adunay 24 ka golds, 24 ka silvers ug 25 ka bronzes.
Ang Cebu Province nasulod sa top 10 nga mihipos og 22 golds, 10 silvers ug 21 bronzes.
Ang ubang Cebu delegations nga Mandaue City ug Lapu-Lapu City mipahiluna sa ika-14 ug ika-15 nga dapit. Ang Mandaue mitapos sa torneyo uban ang 12-14-17 medal tally, samtang ang Lapu-Lapu adunay 12-6-13.
- Latest