Meralco mikuha higanteng import

CEBU, Philippines – Sa tuyo nga molig-on sila sa ilang  pagsalmot  sa FIBA Asia Championship Cup nga sugdan sunod semana didto sa Thailand,   ang Meralco Bolts mikuha sa 7-foot-2 center nga si Iam McMorrow isip import.

Ang Meralco maoy morepresentar sa nasud sa FIBA Asia kay dili na makaduwa ang Team Pilipinas tungod sa kadaghan na nga torneyo nga ilang gisalmotan.

Si Meralco coach Norman Black masaligon hinuon nga molampos sila batok sa ubang lig-on nga koponan sa Asya ilabi na sa presensiya ni McMorrow  nga bag-o lang misalmot sa training camp sa Philadelphia 76ers ug Oklahoma City Thunder isip practice player.

Nakig-uban siya og praktis sa mga premyadong NBA centers karon nga sila si Joel Embiid sa Sixers ug Steven Adams sa Thunder.