Tulo ka batan-ong Lakers nakat-on ni James
CEBU, Philippines – Tulo ka rising stars sa Los Angeles Lakers nga sila si Lonzo Ball, Brandon Ingram ug Kyle Kuzma mitug-an nga mas milapad ilang kahibalo sa basketbol sa pakig-uban nila og ensayo ni NBA superstar LeBron James.
Si Kuzma, usa sa mga leading scorers sa Lakers sa miaging season nagkanayon nga bisan og 33-anyos na si James, mao gihapon ang labing lagsik ug kusog nilang player atol sa ilang praktis ug bilib sila sa gipakita nga kakugi sa three-time champion.
Sa iyang bahin, si Ingram miingon nga makuha nila gikan ni James ang disiplina sa usa ka NBA superstar ug makatabang sab kini og dako sa pagpalambo sa ilang abilidad.
Ang gitan-aw nga future star point guard sa Lakers nga si Ball miingon sab nga dakung butang nga anaa si James sa ilang koponan tungod kay makuhaan niini ang presyur nga ilang gipas-an nga ilang nasinati sa nangaging mga season.
- Latest