^

Banat Palaro

Clarkson magbangis batok sa south Korea

Lemuel P. Maglinte - Banat

CEBU, Philippines — Napanglantawan ni Philippine team coach Yeng Guiao nga mas makabuwelo ang iyang sinaligan  nga si Jordan Clarkson batok sa Korea atol sa ilang sangka ugma sa men's basketball event sa 18th Asian Games didto sa Indonesia.

Nasulti kini ni Guiao human masayri nga walay  7-footer ang South Korea dili sama sa China nga mipilde kanila og dos puntos, 80-82 niadtong Martes.

Si Guiao miingon nga kon nakahimo og 28 puntos si Clarkson batok sa China, posibleng molabaw pa kini sa ila unyang sangka sa South Korea.   

Ang taas ra sa S. Korea mao ang  naturalized forward nga si Ricardo Ratliffe nga adunay gitas-on nga 6-foot-8.

Kon masentro man gani ang depensa sa mga Koreano ngadto ni Clarkson, dako kini og bentaha sa mga Pinoy'ng basketbolista tungod kay   malibre ang uban    shooters sama nila ni Stanley Pringle, Paul Lee, James Yap, JP Erram ug Christian Standhardinger.

Si Ratliffe, usa sa mga leading scorer ug rebounder sa South Korea naghinamhinam na nga moduwa sa Philippine team.

Gawas nga makigduwa batok sa mga kaila niyang PBA players nga anaa sa national  team, si Ratliffe gusto sab  nga makigduwa og balik sud sa korte sa kanhi niya teammate sa kolehiyo nga    si  Jordan Clarkson.

Sila si Ratliffe ug Clarkson nagkauban og usa ka tuig sa Missouri University sa wala pa   migradwar ang Korean import.

Matud ni Ratliffe nga  gipangandaman nila og maayo ang umaabot nilang sangka batok sa Pilipinas tungod kay giisip nila ang koponan nga usa ka lig-ong kaatbang. Kini  basi sa nahitabong duwa tali sa Pilipinas ug sa powerhouse China nga midaog lang og dos puntos.

CLARKSON

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with