"RACE to Serve" sa CSCRO-7 kasado na
CEBU, Philippines — Ang Civil Service Commission-Regional Office 7 mopahigayon sa ikapito nga edisyon sa tinuig niining CSCRO-7 Fun Run nga ulohan og "RACE to Serve" karong Septiyembre 1 diha sa Central Command (CENTCOM) sa Camp Lapu-Lapu, Barangay Apas, Dakbayan sa Sugbo.
Gilangkuban og 4K ug 7K nga distansiya, ang makita sa maong lumba alang sa bulawanong kawsa adto mapunta sa Pondong Pamanang Lingkod Bayani (PLBi) sa Philippine Civil Service Commission nga naghatag og scholarship ug pinansiyal nga suporta ngadto sa pamilya sa mga empleyado sa gobiyerno.
Ang top 3 finishers sa 7K category mobulsa og P4,000, P3,000 ug P2,000, samtang ang mga mananaog sa 4K makadawat og P2,500, P2,000 ug P1,000.
Ang entry fee nagkantidad og P350 sa 4K ug P400 sa 7K. Ang registration forms mahimong makuha sa CSC Regional Office 7 sa Sudlon, Barangay Lahug.
Alang sa dugang mga detalye, kadtong mga interesado mahimong motawag sa CSCRO7 sa 253-9050, 414-7676 o 414-7488.
- Latest
