Guiao mao gihapon mo-coach Gilas

CEBU, Philippines — Ang Samahang Basketbol ng Pilipinas (SBP) mipahibalo kagahapon nga ma-extend ang trabaho ni Yeng Guiao isip national team coach dihang siya ang gipili nga  coach sa Gilas Pilipinas sa   2019 FIBA World Cup qualifiers sunod buwan.

Ang SBP hinay-hinay na nga miporma sa line-up sa Gilas human  sa pagkasuspenso sa 10 ka players uban ang duha ka coaches diin usa na  niini si Chot Reyes  tungod sa nahitabong rambol tali sa Pilipinas ug Australia niadtong Hulyo.

Nasayran nga ang SBP mihangyo ni Guiao  nga mao una ang mo-coach sa Philippine team nga moduwa sa Asian Games samtang wala pa si Reyes, apan ilang nakita  nga may kapabilidad kini nga modala sa Gilas.

Ang Pilipinas makigbatok sa Iran ug Qatar sa second round sa 2019 World Cup qualifiers. (BANAT NEWS)