CABC Corporate Cup Season 2 mosikad na

CEBU, Philippines — Ang ikaduhang season sa Cebu Architects' Basketball Club (CABC) Corporate Cup mosikad na karong adlawa diha sa Chiang Kai Shek Gymnasium sa Cebu Eastern College (CEC).

Tulo ka mga duwa ang gitakda, apan inig human na sa  seremonyas sa pagbukas sa alas-11:30 sa buntag nga pagatambongan sa mga opisyales sa UABC nga gipangulohan sa presidente nilang si Klein Baladya ug duha ka VP nga sila si Paolo Alberto ug Justin Aspacio.

Masayran ang iskedyul sa mga duwa pinaagi sa bunot- bunot.

Ang mga koponan nga magtige mao ang  Boysen Paints, Davies Paints, AAC Light Strong, Phelps Dodge, Metrotiles ug Econtech.

Moduwa sila ubos sa single round robin format. Ang top 2 teams makaangkon og awtomatik nga luna sa semifinals diin sila dunay twice-to-beat advantage.

Samtang ang teams No. 3 ug No. 4 armado sab og 'twice-to-beat'  incentives batok sa No. 6 ug 5 sa quarterfinals.

Ang mga molahutay mag-abot dayon sa tagakay nga kampiyonato.