Phlilippine team molikay una sa Korea

CEBU, Philippines – Manghinaut si coach Yeng  Guiao  nga  dili unta makabagat dayon  sa Pilipinas ang South Korea sa second round sa  18th Asian Games didto sa Indonesia.

Ang Pilipinas sulod na sa second round human sa  dominante nilang kadaogan batok Kazakhstan. Apan kon mapilde sila sa sunod nilang sangka sa China,  makabangga sa Pilipinas  ang South Korea.

Kon modaog, ang Pilipinas posible nga moduwa batok sa mas huyang nga Thailand, samtang ang China maoy moatubang sa Korea.

Giklaro ni Guiao nga wala sila mahadlok sa South Korea, apan mas dako ilang tsansa nga makasud sa medal round kon dili una nila makasangka ang mga Koreano.

Kahinumduman, nga ang Gilas Pilipinas napilde sa South Korea atol sa 2014 Asian Games.