Medalya maoy misyon ni Clarkson sa Pilipinas
CEBU, Philippines – Seryoso si Cleveland Cavaliers point guard Jordan Clarkson sa iyang misyon nga motunol og medalya sa Pilipinas sa 18th Asian Games.
Si Clarkson nga miapil na sa team practice sa Phl team didto sa Indonesia, miingon nga damgo niya nga makaduwa sa Pilipinas ug dili niya hikawan ang kahigayonan nga makahatag og dungog sa nasud.
"I'm very excited I'm finally able to do this, being able to play with my team, for the country. It's definitely something I've been looking forward to," matud pa sa NBA player sa The Philippine Star. "It's not a learning experience. I've come here to win and try to medal."
Si Clarkson midayeg sa iyang teammates sa kadaogan sa Pilipinas batok Kazakhstan ug naghinamhinam na siya nga makigduwa uban sa Phl team batok China karong Martes.
Gidugang ni Clarkson nga wala siya naglisud pagkuha sa sistema ni coach Yeng Guiao ug dili problema sa koponan ang team chemistry sa iyang pagsulod sa rotation.
- Latest