James nagbilin bililhong gasa sa iyang pagbiya sa Cleveland
Emmanuel B. Villaruel (Banat) - August 1, 2018 - 12:00am

CEBU, Philippines — Gibiyaan man tuod niya ang Cleveland sa ikaduhang higayon, apan si LeBron James nagbilin og usa ka bililhong gasa sa yuta niyang natawhan nga molungtad sa dughan sa iyang mga katagilungsod sa umaabot nga mga katuigan.

 

Kagahapon didto sa Akron, Ohio, si James nagbarog ibabaw sa usa ka entablo duol sa usa sa mga dalan diin siya naglibod-suroy niadtong panahon sa gubot kaayo niyang pagkabatan-on. Nagtan-aw siya sa bagang panon sa mga tawo nga dunay espesyal nga luna sa iyang kasingkasing.

Samtang ang tres anyos niyang anak nga babaye nga si Zhuri nagduwaduwa sa iyang tiil, si James mapasigarbuhon nga nagsud-ong samtang ang iyang inahan nga si Gloria miisa sa bandila sa Amerika atubangan sa usa ka tunghaan nga lagmit maoy labing ngilngig niyang kadaogan.

Sa wala pa siya mobiya padulong sa Los Angeles, gihatagan ni James ang iyang mga katagilungsod og usa ka mahinungdanong gasa nga dili kabayran.

Kini mao ang 'I Promise School', nga pormal niyang gibuksan kagahapon. Usa kini ka tunghaan nga mosagop sa mga batan-on nga nahisalaag ang dalan sa tinguha nga matul-id ang ilang kinabuhi. Gipanghingusgan gyud kini ni James kay iya man nga nasinati ang maong pait nga sitwasyon sa dihang bata pa siya.

Gihinumduman ni James nga niadtong fourth grader pa lamang siya, nakapalta siya og 82 sa iyang tunghaan samtang siya ug ang iyang  inahan   nangita pa og maayong kapanginabuhian.

Emosyonal kaayo si James niadtong higayona kay mahulog man sab kadto niyang panamilit sa Cavaliers kay motikang na man siya  sa  Hollywood   aron moduwa  sa  Los Angeles  Lakers.

Daghan ang nadismaya sa gibuhat ni James ilabi na kay ikaduha na kining higayon nga iyang gilayasan ang Cleveland, apan dili malalis nga ang pagtukod niya og taytayan alang sa maayong ugma sa mga kabatan-onan ilabi na niadtong hinikawan sa maayong palad nakasemento og samot sa iyang legasiya isip usa sa labing ngilngig nga basketbolista sa kasaysayan.

"No matter if I'm playing in Los Angles or not, Akron Ohio is always home for me," matud ni James.

CLEVELAND
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with