SBP naglibog pa kon kinsa ilang ipuli ni coach Reyes
CEBU, Philippines – Naglibog pa ang Samahang Basketbol ng Pilipinas (SBP) kon kinsa ang ilang ipuli ni Gilas Pilipinas coach Chot Reyes tungod sa pagkasuspenso niini.
Ang Gilas moduwa batok sa Iran sa Septiyembre 13 atol sa second round sa FIBA World Cup qualifiers.
Si Reyes gisuspenso og usa ka duwa sa FIBA human sa iyang kalambigitan sa 'basketbrawl' tali sa Gilas ug Australia niadtong Hulyo 2 didto sa Philippine Arena. Gawas sa suspensiyon, si Reyes gipabayad usab og tunga sa milyon ka pesos.
Ang FIBA mipahamtang og silot ni Reyes tungod kay nakita nila nga pakyas ang beteranong coach pagkontrolar sa iyang mga players rason nga nagkagubot.
"We have yet to decide, at the very least, who will coach the Iran game. That is something that we need to work on," matud pa ni SBP president Al Panlilio atol sa press conference sa SBP.
Gawas ni Reyes, ang iyang assistant coach nga si Jong Uichico gisagpa og tulo ka duwa nga suspensiyon tungod kay miapil kini sa lamoklamok.
- Latest
