Dul-an 3 mil mOdagan sa Cancer Warriors Run
CEBU, Philippines — Dul-an sa 3,000 ka runners ang gipaabot nga mosalmot sa labing unang Cancer Warriors Run karong Hulyo 28 didto sa Cebu Business Park.
Gipasiugdahan sa Rose Pharmacy, ang maong lumba laraw nga makatigom og salapi nga ihatag ngadto sa Cancer Warrior Foundation-Cebu, usa ka non-government organization nga motabang sa pagpatambal sa mga kabus nga bata nga adunay cancer.
Ang lumba adunay tulo ka kategoriya ug kini mao ang 10K, 5K ug 3K fun run.
Moabot sa P30,000 nga ganting salapi ang gitagana aron ihatag ngadto sa mga mananaog sa matag dibisyon.
Ang unang 100 finishers makadawat usab og finishers medal.
Ang registration fee nagkantidad og P300 sa 3K, P400 sa 5K ug P500 sa 10K. Mamahimong magparehistro didto sa tanang branch sa Rose Pharmacy Cebu.
Gawas sa lumba, ang Rose Pharmacy mobutang usab og health and wellness caravan sa binyu.
- Latest