PBA andam motabang sa Gilas pilipinas
CEBU, Philippines — Ang PBA pinaagi ni commissioner Willie Marcial andam nga motabang sa Gilas Pilipinas aron maporma og balik tungod sa pagkasuspenso sa 10 niini ka players.
Ang Gilas mangandam alang sa sunod nilang mga duwa sa FIBA qualifiers.
Si Marcial miduso dayon og mga pangan sa mga players nga posibleng mahimong replacements sa mga nasuspenso. Kini naglakip nila ni LA Tenorio, Paul Lee, Alex Cabagnot, Arwind Santos, Vic Manuel, Raymond Almazan, Beau Belga ug Christian Standhardinger.
"All those players are battle-tested and most of them have experienced playing international games," matud pa ni Marcial sa Philippine Star News Service.
Mapasalamaton si Marcial tungod kay dili kaayo bug-at ang silot sa FIBA nga motugot gihapon sa mga nasuspenso nga players nga makaduwa sa PBA.
- Latest
