Ball sa Lakers gioperahan

CEBU, Philippines – Gioperahan ang bitoon nga pointguard sa Los Angeles Lakers nga si Lonzo Ball aron ayuhon ang injury sa iyang walang tuhod.

Ang L.A. Lakers mipahibawo nga nagmalampuson ang operasyon ug si Ball gipaabot nga maka-rekober dayon kini sa dili pa magsugod ang ilang training camp karong Septiyembre.

Isip rookie sa miaging season, si Ball mi-average og 10.2 points, 6.9 rebounds ug 7.2 assists sud sa 52 ka duwa.

Gipanglantawan nga monindot pa unya ang salida ni Ball ilabi na kay iyang ikauban si LeBron James, ang giyukboan nga labing maayo nga basketbolista karon sa kalibotan.

Gawas ni James, makatrabaho sab ni Ball sila si Lance Stephenson ug Javale McGee nga nakasakmit og tulo ka kampiyonato sa dihang nagduwa pa kini uban sa Golden State Warriors.