Cousins dili haom sa Warriors

CEBU, Philippines – Nakamugna og kasikas sa NBA ang desisyon ni All-Star DeMarcus Cousins nga mobalhin gikan sa New Orleans Pelicans ngadto sa defending champion Golden State Warriors. 

Apan si NBA analyst  Zach Lowe nagkanayon nga dili angay tan-awon ang Warriors nga mao na sab ang moduwa sa kampiyonato sunod season karon nga  nibalhin na si Cousins  sa Golden State.

Si Lowe nagkanayon nga kinahanglan pa nga tun-an sa Warriors coaching staff kun  unsaon nila paggamit si Cousins.   

Ang Warriors usa ka shooting team ug nagsalig sa ilang kapaspas ug kinahanglan nga modagan si Cousins      aron makasabay siya sa duwa. Anad usab si Cousins nga kanunay magkupot sa bola alang sa opensa  ug kinahanglan kini mag-usab ilabi na nga ikauban niya ang mga tirador nga sila si Stephen Curry ug Kevin Durant.

Hinuon, si Cousins nagagikan pa sa seryosong  injury  sa   tiil   unya pa sa uwahing bahin  sa   sunod     season  makaduwa sa Warriors.