Villarin, Chepsiror daog sa Hunat Sugbu 8
CEBU, Philippines — Ang Spectrum runner nga si Evamie Villarin ug Kenyan nga si Eric Chepsiror maoy labing paspas sa 21K open category sa Hunat Sugbu 8-Dagan Para Ni Maning kagahapon didto sa Ayala Center Cebu Terraces.
Si Villarin milampos paglangkat women's title sa oras nga 1:32:26. Gisundan siya sa iyang teammate nga si Lovely Andrin sa oras nga 1:46:21, samtang si Rhea Garrucho maoy third placer sa oras nga 1:46:35.
Sa men's class, si Chepsiror maoy labing paspas sa oras nga 1:12:42. Second placer iyang kababayan nga si Joseph Mururi sa oras nga 1:13:49, samtang si Arlan Arbois maoy ikatulo sa oras nga 1:16:35.
Sila si Agustin Yuhon ug Margarita Planca maoy midaog sa 12K titles.
Labing paspas sa men's si Yuhon sa oras nga 43:34, samtang sila si Paul Zafico (45:47) ug Jimboy Butad (50:16) maoy second ug third placers.
Sa pikas bahin, si Planca misutoy sa oras nga 1:08:32 alang sa korona. Sila si Jennefer Noval (1:09:46) ug Virgita Soco (1:09:58) milabni sa ikaduha ug ikatulong dapit.
Sa 6K, midaog sila si Kenyan James Mibei (21:07) ug si Joan Alinsunod (24:5), samtang ang mga mananaug sa 3K fun run mao sila si Rane Del Coro (10:08) ug Antoniette Velayo (12:27). (BANAT NEWS)
- Latest
