Melo mugamot sa OKC
CEBU, Philippines — Opisyal nga magpabilin sa Oklahoma City Thunder si All-Star Carmelo Anthony human siya miuyon nga ipadayun iyang five-year contract.
Si Anthony may opsyon unta nga balibaran ang nahibiling $27.9 million aron mubalhin og laing koponan, apan ang Olympic gold medalist gusto nga magpabilin sa Thunder diin salig siya nga makakuha sa labing una niyang NBA title.
"I think everybody knows that I've sacrificed kind of damned near everything, family, moving here by myself, sacrificed my game for the sake of the team, and was willing to sacrifice anything and everything in order for this situation to work out," matud pa ni Anthony sa ESPN.
Ang 34-anyos nga si Anthony mi-average og 16.2 points alang sa Thunder nga sayung natagak sa playoffs batok Utah Jazz. Bisan pa niini, salig si Anthony nga makabangon iyang koponan sa sunod season.
Sa pagsegurado nila ni Anthony, ang Thunder sunod nga muhangyo karon sa lain nilang star player nga si Paul George nga magpabilin sa koponan bisan pa sa mga hugon-hugon nga mulayat kini sa laing team alang sa sunod season. (BANAT NEWS)
- Latest
