Kilig fans

Gikilig ang MayWard fans sa hagwaanay sa ilang mga idolo nga sila si Maymay Entrata ug Edward Barber niining bag-o lang. Nahitabo kini sa caption ni Edward sa ilang hulagway ni Aga Muhlach nga kuha didto sa Vancouver, Canada diin kasamtangan sila nga nag-shooting kauban si Bea Alonzo. Nikomento man gud si Maymay nga katulo matud pa niya gibasa ang caption apan wa gyud siya makasabot. Gibasa niya’g balik, wala gihapon siya makasabot.Unya niingon si Edward, dili angay maguol si Maymay kay pasabton ra unya niya kini.

Shody nega

No to negativity na matud pa ang drama ni Queen of All Media Kris Aquino. Basta duna matud pay dili maayong mga komento o panghitabo, mu lie low una siya sa social media og pipila ka adlaw aron dili na siya makasulti pa og dili maayo nga siya ra say maglabad ang ulo unsaon pagsulbad.

Gikumpiska

Gikumpiska na ang cellphone ni kanhi senador Ramon Bong Revilla Jr.  nga maoy tinubdan sa iyang selfie ug gi-upload sa social media. Nasayran nga sa prisohan mismo ni Bong kuha ang maong selfie didto sa Camp Crame. Hugot nga gidili sa usa ka piniriso ang pagbaton og cellphone sulod sa prisohan.

Dili Mangilog

Giklaro ni Marian Rivera nga dili gyud matud pa siya mangilog og proyekto. Kun unsay para iyaha, mao ra gyud ang iyang dawaton. Kini giluwatan ni Marian dihang gipangutana siya kon pananglit adunay usa ka proyekto nga nindot ug ang iyang bana nga si Dingdong Dantes ang director, apan lahi nga artista ang gihatagan niini, ilogon ba niya kini.

Daog si Sarah

Nagmaya ang kampo ni Sarah Lahbati human gibasura sa Court of Appeals ang kaso nga breach of contract nga gipasaka sa GMA-7 batok sa nahisgutan. Kasamtangang tua pa sa Geneva, Switzerland sila si Sarah ug Richard Gutierrez kauban ang ilang mga anak alang sa usa ka bakasyon.