Popovich nakigkita ni Leonard
Gikataho nga personal nga nakigkita si San Antonio Spurs coach Gregg Popovich ngadto sa iyang All-Star nga si Kawhi Leonard, kinsa gusto na mohawa sa iyang koponan. Si Leonard aduna pa'y nahibiling usa ka tuig sa Spurs, apan midemanda kini og trade tungod kay wala na kini malipay uban sa koponan.
Espinas gi-trade
Gi-trade sa San Miguel Beermen ang usa sa sinaligan nilang bench player nga si Gabby Espinas ngadto sa GlobalPort Batang Pier bugti ni Kelly Nabong. Si Espinas, usa sa mga rebounder sa Beermen gilabay sa Batang Pier tungod sa rason nga nag-ilog na sila og playing time nila ni Christian Standhardinger ug Arwind Santos.
Canelo ginganla'g tikasan
Migrabe ang personal nga dumot sa duha ka middleweight boxing kings nga sila si Gennady Golovkin ug Saul 'Canelo' Alvarez nga gikatakdang mag-abot pagbalik sa ring sa Septiyembre alang sa usa ka blockbuster rematch. Si Golovkin mihukom nga dili na mopahigayon og promotional tour ni Canelo alang sa ilang sangka mitawag sa Mexican boxer nga usa ka tikasan ug migamit og illegal nga drugas.
- Latest
