George sa Jazz?
Gitug-an ni Utah Jazz star rookie Donovan Mitchell nga personal niya nga giagni si All-Star Paul George nga mobiya sa Oklahoma City Thunder ug ubanan siya sa Jazz.
Si Mitchell kinsa ania karon sa nasud alang sa usa ka fan event, miingon nga suod sila ni George ug nakita niya nga mamahimo sila nga lig-ong tandem sa Jazz.
Guiao dayeg ni Tallo
Nakauyon si NLEX Road Warriors coach Yeng Guiao sa gipakitang duwa ni Cebuano guard Mac Tallo sa iyang debut sa koponan niadtong Biyernes diin mihimo kini og 11 puntos gikan sa bench.
Si Guiao mihisama ni Tallo sa iyang mga kanhi players sa Red Bull nga sila si Willie Miller ug Cebuano Jemuel Torion.
Parks Jr. gipasidan-an
Gipasidan-an sa Maharlika Pilipinas Basketball League ang Fil-American sensation nga si Ray Parks Jr. sa padayun niining pagpagawas og ngil-ad nga pamahayag batok sa mga opisyal sa liga.
Si Parks kinsa miduwa sa Mandaluyong misaway sa mga referee tungod kay wala siya hatagi og makiangayon nga pagtagad atol sa ilang duwa.
- Latest
