Sunsport basketball camp padayon karong Hulyo
CEBU, Philippines — Human sa malampuson niining summer clinic, ang Sunsport Basketball Training Camp magpadayon karong Hulyo diha sa Sacred Heart Center Sports Club.
Si camp director coach Jojo Romarate nagkanayon nga ang serye sa training ipahigayon matag Domingo lamang (Hulyo 8, 15, 22 ug 29), gikan sa alas-10 sa buntag hangtud sa alas-12 sa udto.
Abli sa mga batan-ong basketbolista nga nag-edad og siyete hangtud sa 19 anyos, si Romarate nagkanayon nga ilang tudloan ang ilang mga estudante sa basic ug technical nga mga aspeto sa pagduwa og basketbol.
“Kadtong gusto nga bairon pa og maayo ang ilang abilidad, mao ni ang labing nindot nga oportunidad alang kanila,” dason pa ni Romarate, ang longtime coach sa Salazar Colleges of Science and Institute of Technology (SCSIT) Skyblazers.
Ang rehistrasyon nagkantidad og P1,200 apil na ang training jersey ug Sunsport basketball 2018 edition.
Alang sa dugang detalye, kadtong mga interesado mahimong motawag ni coach Jojo (0923-8697421/0932-3300292) o sa buhatan sa Sunsport (345-1016). (BANAT NEWS)
- Latest