Beermen sa playoffs magbangis
CEBU, Philippines — Mipasidaan si San Miguel Beermen point guard Chris Ross sa ilang mga kaatbang nga koponan tungod kay atangan unya ang usa ka bangis nga koponan inig abot sa playoffs.
Ang Beermen nahimutang lang karon sa ikapitong dapit sa standing sa ilang 4-4 nga baraha, apan si Ross masaligon nga makasud sila sa playoffs ug mapilde nila ang mga koponan nga anaa pa sa ilang ibabaw.
"Going in the playoffs, we want to play our best basketball," matud pa ni Ross human sa ilang kadaugan batok sa TNT KaTropa, 99-94, niadtong Sabado.
Si Ross miingon nga daghan og rasun sa bati nga sugud sa ilang kampaniya sa Commissioner's Cup nga naglakip sa injuries ug pag-ilis nila og import.
Sa iyang bahin, si Beermen coach Leo Austria nga kinahanglan nila nga maharus ang mga nahibilin nilang duwa sa dili pa pangandaman ang playoffs.
Misaka hinuon ang kompiyansa ni Austria tungod usab sa impresibong duwa sa iyang import ug ex-NBA cager nga si Renaldo Balkman kinsa mirehistro og tournament-high 43 puntos batok sa TNT. (BANAT NEWS)
- Latest