Pacquiao mibanat na sa sparring

CEBU, Philippines — Mibanat og sparring si Pinoy boxing icon Manny Pacquiao kinsa mihimo og unom ka rounds nga sparring session batok sa Pinoy nga si Ariel Tinampay ug usa ka Greek-Australia boxer didto sa General Santos City.

Si Pacquiao mipakita og kalagsik dihang nakig-spar siya og tulo ka rounds sa Boholano journeyman nga si Tinampay kinsa mipamatuod sa kapaspas sa kanhi eight-division world champion.

Si Pacquiao nangandam alang sa pagsuway niya pagsakmit sa WBA welterweight title gikan ni Argentinean Lucas Mattyhsse sa Hulyo 15 didto sa Malaysia.

Human ni Tinampay, si Pacquiao sunod nakigsinukmagay ni George Kamboso kinsa usa ka international prospect. Pulos ang duha ka gika-spar ni Pacquiao misuway pagsunod sa istilo sa inawayan ni Matthysse aron maanad ang Pinoy ring star.

“Great sparring today,” matud pa sa sakop sa Team Pacquiao nga si David Sisson sa The Philippine STAR.

Si Pacquiao misugod sa iyang sparring rounds niadtong miaging Martes gisundan sa Huwebes diin gitutukan kini ni head trainer Buboy Fernandez ug conditioning coach Justin Fortune. (BANAT NEWS)