Pacquiao dapig sa Warriors
CEBU, Philippines — Gitagna ni Pinoy ring star Manny Pacquiao nga ang Golden State Warriors mosakmit og back-to-back NBA titles NBA karong season.
Matud pa ni Pacquiao nga sa basketball, mas pabor karong moduwa isip usa ka grupo ug dili kadtong magsalig lamang sa usa ka tawo.
Haduol sa dughan ni Pacquiao si Warriors superstar Stephen Curry kay nahimo kini niyang higala tungod kay kanunay kining mobisita kaniya sa higayon nga mag-training siya sa Los Angeles matag higayon nga duna siya'y away sa Amerika.
Apan sa ilang pagka-amigo ni Curry, dapit siya sa Warriors kay bilib siya sa gipakita niining teamwork.
“That’s why since I saw them play, humanga na ako sa kanila at naging fan na nila ako,” dason pa ni Pacquiao sigun sa taho ni Eddie Aline sa philboxing.com.
“You’re asking me who I think will win in the NBA finals between Golden State and Cleveland, siyempre Warriors na ‘yan. Back-to-back,” tubag pa ni Pacquiao sa pangutana ni Alinea.
Sa kasamtangan, si Pacquiao hugtanong nangandam sa umaabot niyang paghagit ni WBA welterweight champion Lucas Matthysse sa giatngan niyang comeback fight karong Hulyo 15 didto sa Kuala Lumpur, Malaysia. (BANAT NEWS)
- Latest
