Gilas vs. All-Stars
CEBU, Philippines – Magsangka sa ikatulo ug katapusang higayon ang Gilas Pilipinas ug PBA All-Star sa Visayas leg sa PBA All-Star Week karong gabii didto sa University of San Agustin Gym sa Ilo-ilo City.
Human gilampurnas sa Mindanao All-Stars niadtong Miyerkules, ang Gilas nakabawi dihang midaog batok Luzon All-Stars sa usa ka sikit nga duwa, 152-149 niadtong Biyernes didto sa Batangas.
Ning higayona ang Gilas moduwa batok sa ilang premyadong sentro nga si JuneMar Fajardo, kinsa adto moduwa sa Visayas All-Stars.
Gawas ni Fajardo, ang duha ka rising stars sa Gilas nga sila si Kiefer Ravena ug Roger Pogoy moduwa usab batok sa national team.
Ang Gilas mosandig nila ni Japeth Aguilar, Calvin Abueva, Gabe Norwood, Jio Jalalon, Troy Rosario ug Matthew Wright.
Ang maong duwa kabahin sa preparasyon sa Gilas sa FIBA World Cup qualifiers.
- Latest