E&F Surplus misilhig pito ka duwa sa elim
CEBU, Philippines – Giharos og daog sa defending champion E&F Surplus ang tanan nilang duwa sa eliminasyon human gipilde ang RJ Store, 100-93 aron sab maghari sa liderato sa bracket A sa 12th J&J Surplus basketball tournament niadtong Huwebes didto sa GT Academy gym sa Tayud, Lilo-an.
Isip no. 1 team bitbit ang 7-0 nga baraha, ang E&F Surplus makaangkon og 'twice-to-beat' advantage atol unya sa quarterfinals.
Miratsada og 26 puntos si Tingan Gestopa aron pangulohan ang E&F Surplus. Nangatol sab ang mga kamot ni team manager Fury Trazona nga mipasud og siyam sa 14 niya ka tres sa kinatibuk-an niyang 23 puntos.
Ang RJ Store nga ikatulo sa standing sa ilang 5-2 record, gipangulohan ni John Rey Caparroso nga mikamada og 23 puntos. Sila si Walter Baring ug Armian Suson miamot og 19 puntos matag usa sa team ni Jun Rayan Pepito.
Sa laing aksiyon, ang Team Bang midaog na sab batok sa Pilapilan, sa iskor nga 83-67.
Ang liga nahimo ubos sa pagtugot sa presidente niining si Henry Agbon, gipadagan ni commissioner Fury Trazona sa abag nilang Gener Estrera, Jeper Inahid ug Choy Pilapil.
PUNTOS MATAG USA
Unang duwa:
E&F Surplus (100) – Gestopa 26, Trazona 23, Nuñez 11, Tranghia 10, Betinol 10, Igoy 6, Caballes 5, A. Sabang 3, Ponce 2, Pepito 2, K. Sabang 2.
RJ Store (93) – Caparroso 23, Baring 19, Suson 19, Yerro 12, Brigoli 8, Rojo 8, Nogas 2, A. Pepito 2.
Ikaduhang duwa:
TEAM Bang (83) – Jerez 16, Segue 13, Callet 13, Avila 11, Mongcal 10, Pepito 6, Maghanoy 6, Pitogo 2, Pilapil 2.
PILAPILAN (67) – Vega 14, Bolande 11, Loyskie 11, Pilapil 11, Jinly 6, Teter 4, Royaks 3, Orque 3, Tiloy 2, Salogaol 2.
- Latest