Tabal mangu 4 Cebuanos sa JeJu Marathon
CEBU, Philippines – Upat ka Sugboanong long distance runners nga pangulohan ni Olympian Mary Joy Tabal ang mopakita'g aksiyon sa 23rd Jeju International Tourism Marathon Festival karong adlawa didto sa isla sa Jeju, South Korea.
Si Tabal nga mikulit og kasaysayan isip labing unang Pinay Olympic marathoner duha ka tuig na ang milabay didto sa Rio de Janiero, Brazil, makig-uban nilang Prince Joey Lee, Rafael Pescos ug Ruffa Sorongon.
Ang ilang partisipayson tipik sa ilang premyo sa paglandig nila sa top 3 sa dinungan nga pagpahigayon sa 7-Eleven Run Series sa Cebu, Manila ug Davao niadtong Pebrero.
Si Pescos modagan sa full marathon distance, samtang sila si Tabal, Lee ug Sorongon sa 21km category.
- Latest