PBA Commissioner mopauwan og silot
CEBU, Philippines — Masuk-anon si PBA Commissioner Willie Marcial nga mipasidaan sa tulo ka players ug referees sa iya unyang ipahamtang nga silot ngadto kanila.
Si Marcial wala malipay sa gipakita sa mga players atol sa init nga duwa tali sa Rain or Shine Elasto Painters ug GlobalPort Batang Pier niadtong Domingo sa Smart Araneta Coliseum.
Miulbo ang karambola sa maong duwa dihang nagtinukmoray ug hapit magsukmagay sila si Painters guard Maverick Ahanmisi ug Batang Pier forward Kelly Nabong.
Nakadugang usab sa kasuko ni Marcial ang tinuyo nga pagsiko ni Raymund Almazan ni GlobalPort import Malcolm White.
Ang mga reperi igo lang mitawag og regular foul ni Almazan bisan klaro kaayong gituyo ang pagsiko.
Tungod niini apil nga silotan ang maong mga officials.
Ang maong mga players ug ang mga reperi ipatawag ni Marcial sa iyang opisina sud ning semanaha. (BANAT NEWS)
- Latest
