Azkals mag-ensayo sa Australia pangandam sa asian cup
CEBU, Philippines –Aron mas andam pa sila sa ilang pagsalmot sa 2019 Asian Cup, ang Philippine Azkals mopahigayon og training camp didto sa Australia.
Kini kay dili gusto sa Azkals nga mausik ang makasaysayanon nilang pagsud sa Asian Cup sa labing unang higayon mao nga mangandam sila og maayo samtang taas pa ang panahon.
Gawas sa ensayo, ang rank 111 nga Azkals laraw nga moduwa sa usa ka 'friendly match' batok sa Australia nga rank No. 40 sa tibuok kalibotan. Ang Australia uban ang Iran, Japan ug South Korea ang gitan-aw nga mga title contender sa maong torneyo.
"Hopefully we will have a game against them," matud pa ni team manager Dan Palami.
Ang Azkals moadto usab sa Bahrain ug makigduwa sa mga koponan sa maong nasud nga kabahin sa ilang preparasyon.
- Latest
