^

Alegria, barili nanghawod sa ilang bracket sa 2nd Governor's Cup

Emmanuel B. Villaruel (Banat) - May 12, 2018 - 12:00am

CEBU, Philippines – Gipakyaw og daog sa Alegria ug Barili ang ilang mga duwa sa eliminasyon aron pag-angkon og awtomatik nga luna sa quarterfinals sa 2nd Cebu Governor's Cup Inter-Cities and Municipalities Under-21 Developmental Basketball Tournament.

Human mikubit og usa lang ka daog sa miaging season, ang Alegria mihimo og impresyon ning higayona pinaagi sa pagdominar sa South Division Bracket 3 bitbit ang 5-0 record. Labing uwahi nilang biktima mao ang Ginatilan, 82-71.

Si Patrik Devila miposa og 14 sa iyang 18 puntos sa first half ug  si Christian Jay Garcia maoy miabaga sa opensiba sa Alegria sa nahibiling duha ka kuwarter  aron  pagbaraw  sa   nindot  nga   salida sa Ginatilan  sa  hinapos nga bahin sa duwa. Si Garcia  maoy  nangu  sa  Alegria nga mikulit og  21 puntos.

Bisan  og  napilde, ang  Ginatilan mikuyog gihapon sa Alegria ngadto sa sunod nga hugna kortesiya sa 4-1 niining baraha.

Sa laing bahin, ang Barili nakaipsot batok sa Dumanjug, 99-96 sa duwa tali sa mga wa'y pildeng koponan aron pagsakmit sa titulo sa South Division Bracket 4 uban ang 4-0 record.

Si Charlie Sabanal mikadlit og 20 puntos alang sa Barili, samtang si Lee Baybayonon miamot og 15 puntos.

Hinuon ang Dumanjug mimartsa gihapon ngadto sa quarterfinals isip South B4 second seed bitbit ang 3-1 record. 

ALEGRIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with