Donaire monaug og timbang
CEBU, Philippines – Wala paminawa ni kanhi Filipino boxing champion Nonito Donaire Jr. ang tambag sa ubang boxing analyst nga moretiro na siya sa natad sa boksing human sa iyang makaluluoy nga kapildihan batok ni Irish Carl Frampton niadtong Domingo didto sa Belfast.
Ang 34-anyos nga si Donaire pakyas sa iyang misyon nga mabalik sa estado isip world title challenger human siya gikulata ni Frampton sud sa 12 ka rounds atol sa ilang interim WBO featherweight title showdown.
Si Donaire miingon nga sakto siya sa ensayo ug gisunod niya ang gameplan, apan midaog gyud si Frampton.
Ang kanhi four-division world champion mibutyag nga gibuga na ang tanan niyang kusog, apan gikilaw lang kini ni Frampton. Tungod niini, mihukom nga mobalik sa mas ubos nga timbang.
Si Donaire posible nga mobalik sa super bantamweight o bantamweight division tungod kay nakita niya nga maglisud siya sa featherweight division o 126 lbs.
- Latest
