Gilas cadets pilde sa Ateneo
Gileksyon sa defending UAAP champion Ateneo De Manila University Blue Eagles ang Gilas Pilipinas cadets, 75-69, sa ilang duwa sa FilOil Flying Premier Cup niadtong miaging gabii.
Ang Gilas nga gibidahan ni Kobe Paras giandam na samtang layo pa ang 2023 World Cup diin sila ang ibala sa nasud.
Morris twins gipamulta
Pulos nakadawat og silot ang kambal nga sila si Markieff Morris ug Marcus Morris human sa managlahing salaod nga ilang nabuhat sa nagpadayong NBA playoffs.
Ang Washington Wizards forward nga si Markieff gibayad og $25,000 human niya gitukmod ang usa ka referee atol sa ilang duwa batok Toronto Raptors, samtang si Marcus gipamulta og $15,000 human gisaway ang officiating sa ilang duwa batok Milwaukee Bucks.
Vargas, Broner nagtabla
Miresulta sa usa ka draw ang kulbahinam nga binukbukay tali sa duha ka kanhi boxing champions nga sila si Jessie Vargas ug Adrien Broner kagahapon didto sa New York.
Ang kanhi kontra ni Manny Pacquiao nga si Vargas mipakita og kaagresibo, apan naatbangan kini ni Broner. Ang duha pulos nag-apas og krusyal nga daog aron mabalik sila isip usa ka title contender.
- Latest
