Donaire taas ang kompiyansa sa kaugalingon
CEBU, Philippines – Masaligon kaayo si Nonito ‘The Filipino Flash’ Donaire Jr. sa iyang kahigayonan nga modaog batok ni Carl Frampton sa ilang WBO interim featherweight title bout karong Domingo sa SSE Arena sa Belfast, Northern Ireland.
Nagkanayon si Donaire nga mas batan-on man tuod si Frampton, apan mas kusgan ug halapad ang iyang kasinatian kumpara sa Irish niyang karibal.
“Mas malakas pa ako kay Frampton, mas mabilis pa ko, mas matangkad at saka ang-ano lang nila ay may edad na'ko kaya nilagay ako underdog,” tubag pa ni Donaire sa dihang nahinabi ni Danny Buenafe sa ABS-CBN News.
Si Donaire mas maguwang og upat ka tuig ni Frampton.
Sa edad nga 35 anyos, si Donaire sayod nga talisaop na ang iyang karera, apan wala pa kini mahitabo ning puntoha kay wala pa mibahar ang iyang abilidad ug duna pa siya’y kapasidad nga payak-on iyang kontra.
“I know I have a lot of years to come, unless of course my skills had been diminished then it’s not safe for me, then you see me hang up the gloves,” dugang pa ni Donaire.
“But as of now I am capable of beating a lot of the guys, big, big chance of winning the fight.”
Labaw sa tanan, si Donaire mipadayag nga ang labing hait niyang hinagiban batok ni Frampton mao ang iyang kaandam, kadasig ug paningkamot nga wa’y sama.
- Latest
