P100 trilyon nga ganti sa Motolite cycling
CEBU, Philippines – Kapin sa P100,000 nga ganting salapi ang gigahin alang sa mga mananaog sa Motolite Pangmatagalan “Tune-up Race” karong Hunyo 17 diha sa Baywalk duol sa Lantaw Restaurant sa South Road Properties.
“This is the first time that we’re doing this and we’re very excited to have this kind of race,” matud pa ni Motolite Visayas sales manager Ruseller C. Cabana atol sa pormal nga paglusad sa ilang lumba kagahapon sa Hotel Pier Cuatro. “We also promote social responsibility and this is part of our wellness program.”
Miabot ngadto sa 12 ka mga kategoriya ang kumbatihan ning ‘point-to-point’ nga naglangkob og 2.5 kilometros matag round.
Kini mao ang open/elite, seniors (19-29 anyos), juniors (18-below), women’s A (19-above), women’s B (18-below), executive A ug B, veterans (30-39), masters (40-49), golden (50-59), kiddies (12-below) ug senior citizens.
Ang labing dako nga ganti adto mapunta sa makampiyon sa elite/open kay mobulsa og P10,000, samtang ang mopahiluna sa ikaduha ug ikatulong dapit makadawat og P7,000 ug P5,000.
Nagkanayon si Cabana nga ang resulta sa umaabot nilang karera sa abag sa Unified Cycling of Central Philippines (UCCP) maoy ilang basihan sa sunod nilang lakang.
Ang entry fee nagkantidad og P650, apil na ang cycling jersey, sertipikasyon sa pag-apil, snacks ug paniudto.
Mahimong magparehisrtro sa YKK Trading (255-8853), Cycle Logic (238-3513), Dan’s Bike Shop (236-9221), Bikecology (2369221), City Avenue Bikeshop (254-5287) o sa Lantaw SRP (513-3928).
Alang sa dugang impormasyon, kadtong mga interesado puwedeng mokontak ni race director Joe Deresas (0933-5484858 o 0942-3786080).
- Latest
