Standhardinger moapil na ensayo sa SMB
CEBU, Philippines – Ang No. 1 pick sa PBA nga si Christian Standhardinger mohimo sa labing una niyang praktis uban sa San Miguel Beermen karong Biyernes.
Bisan pa sa dili maayo nilang kampanya sa ABL diin natagak ang iyang koponan nga Hong Kong Eastern Lions human maharos sa Alab Pilipinas sa ilang ‘best-of-three’ semifinals, si Standhardinger miusab sa iyang desisyon nga mopahuway una ug molarga dayon paingon sa nasud aron sugdan na iyang karera sa PBA.
Ang Fil-German sensation ug Gilas Pilipinas cager naghinam-hinam na nga mahimamat iyang koponan ilabi na si multi-titled coach Leo Austria ug mga bitoon sa koponan sama nila si JuneMar Fajardo, Arwind Santos ug Marcio Lassiter.
Si Austria miingon nga wala sila magdahom nga sayo nila ikauban si Standhardinger, apan nalipay sila sa maong kalamboan.
Ang 6-foot-8 nga si Standhardinger giisip makadugang og kalig-on sa powerhouse Beermen nga laraw modepensa sa ilang Commissioner’s Cup title.
Ang San Miguel taas pa og panahon aron pagsinati sa duwa ni Standhardinger tungod kay sa sunod semana pa sila mohimo sa ilang opener. Ang Commissioner’s Cup buksan karong Domingo didto sa Smart Araneta Coliseum.
- Latest