QuinCen milansang ikaduhang daog sa Triple-A President’s Cup 2018
Yoyo R. Abayan (Banat) - April 17, 2018 - 12:00am

CEBU, Philippines — Yano kaayong mikulit sa ilang ikaduhang sunod-sunod nga daog ang QuinCen squad pinaagi sa paglubong sa Monterroyo, 93-66 sa Allied Athletic Association (Triple-A) President’s Cup 2018 niadtong Domingo didto sa Kimwa gym sa Barangay Subangdaku, dakbayan sa Mandaue.

Nagkumbinar og 33 puntos sila si Richard Madrid ug Tawing Grafe aron mangu sa scoring sa QuinCen nilang Eboy Quiñahan ug Genemar Cena.

Ang QuinCen nga gipaluyohan sab ni Roy Ermac naglisud sa sayong bahin sa duwa hinungdan nga gilubong sila og 13 puntos paghuman sa first period, 11-24. Apan ang QuinCen mipasiugda og rally sa second period sa pagpangu ni Madrid, kinsa miiskor og 14 puntos sud sa maong kuwarter. 

Sa kinatibuk-an, si Madrid mihipos og 18 puntos, samtang si Grafe  miambit og 15 puntos.

Nangalisbo ang kadaogan sa QuinCen human sila milabaw og  22 puntos sa sayong bahin sa third period, 63-41 ug ilang namintinar ang double digits nilang labaw hangtod nahuman ang duwa.

Si Marlon Mendoza maoy miwadwad og maayo diin miiskor siya og 24 puntos aron pangulohan ang undermanned nga Monterroyo. Walo lang ka players ang miduwa sa team ni Dr. Raul Monterroyo ug Jamz Manatad.

Ikaduhang topscorer sa team Monterroyo mao si Tony Cabucos pinaagi sa iyang 20 puntos.

Ang liga nahimo pinaagi sa paningkamot sa presidente niining si Alan Buenavista ug sa iyang bise presidente nga si Dodong Lurica. Ang mga duwa ubos sa superbisyon ni league commissioner Geryl Bukiron sa abag ni Lahug Brgy. Capt. Dodong Taborada.

Puntos Matag Usa

Unang duwa:

LESIN (56) – Varro 10, Montalban 9, Arn 8, Noname 8, Quijano 8, Banate 6, Soco 4, Balicog 2, Bucabal 2.

BUENAVISTA (78) –  Bamba 18, Chavez 11, Suson 8, Apet 7, Estremos 6, Gorgonio 6, Buenavista 6, Ouano 6.

Ikaduhang duwa:

QUINCEN (93) – Madrid 18, Grafe 15, Quiñahan 8, Gerjam 8, Cena 6, Navarro 6, Recto 6, Goc-ong 6, Ermac 6, Mandawe 4, Martillan 4, Archie 3, Dayanan 2, Razon 2.

MONTERROYO (66) – Mendoza 24, Cabucos 20, Branoco 7, Jamz 6, Jacalan 5, Roque 4. (BANAT NEWS)

QUINCEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with